Абай облысының балуандары Рымтай Ізбастин турнирінде үш алтын жеңіп алды
Павлодарда өткен Рымтай Ізбастинді еске алуға арналған республикалық турнирде Абай облысының жас балуандары жоғары нәтиже көрсетті.
55 келі салмақта Абай облысының өкілі Ералы Қанатбеков чемпион атанды. Бұл салмақта қола медальдарды да Абай облысының балуандары Рахим Мәуітқазиев пен Ерназар Серікбосын жеңіп алды.
65 келіде Ілияс Балтақаев қарсыластарынан басым түсіп, бірінші орынға ие болды. Бұл салмақта Шығыс Қазақстан облысынан Әмір Мұратов, Алматы облысынан Нұрасыл Амантұр қола жүлдегер атанды.
90 келі салмақта Абай облысының тағы бір өкілі Аңсар Арманұлы чемпион болды. Бұл нәтиже Абай облысы балуандарының бірнеше салмақта тұрақты өнер көрсеткенін аңғартады.
Сонымен қатар, 70 келіде Ризабек Шәріпхан, 76 келіде Нұрдәулет Бөлеуов, 82 келіде Әлинұр Түйкенов жүлделі орындардан көрінді.
Айта кетейік, Рымтай Ізбастинді еске алуға арналған дәстүрлі турнир «Самұрық-Қазына» әл-ауқат қоры» акционерлік қоғамы және Sport Qory туризм индустриясы мен спортты қолдау қорының демеушілігімен өтті. Демеушілер тарапынан көрсетілген қолдау жарыстың ұйымдастырушылық деңгейін арттырып, жас спортшыларға қосымша серпін берді.
Абай облысының жас балуандары үшін бұл турнир үлкен тәжірибе алаңы болды. Бірнеше салмақта чемпион атанып, қола жүлделерге қол жеткізу — өңірдегі қазақ күресі мектебінің әлеуетін көрсетеді. Жасөспірімдер арасындағы мұндай нәтижелер болашақта ұлттық құрама сапына үміткер болатын спортшылардың қалыптасуына негіз болуы мүмкін.
Рымтай Ізбастин турнирі жас балуандарға республикалық деңгейде өзін көрсетуге мүмкіндік берді. Абай облысының спортшылары осы мүмкіндікті тиімді пайдаланып, өз өңірінің намысын лайықты қорғады.
