Қазақ күресінен әлем чемпионатының алғашқы күні Қазақстанның әскери қызметшілері төрт алтын медаль жеңіп алды
Бүгін әскери қызметшілер арасындағы қазақ күресінен өтіп жатқан CISM Әлем чемпионатының бірінші жарыс күні өз мәресіне жетті. Төрткіл дүниенің түкпір-түкпірінен келген мықтылардың басын қосқан додада қазақстандық балуандар шеберліктерін танытып, жүлдеге талас жолында сенімді қадам жасады.
Күннің басты жаңалығы – жеті бірдей отандасымыздың финалдық кезеңге жолдама алуы болды.
Финалдық кезеңде алғашқы болып кілемге шығып, 55 келі салмақ дәрежесінде сынға түскен екі дүркін Әлем чемпионы Бекжан Төлепов ирандық қарсыласы Рияхи Абулфазлмен кездескен болатын. Тартысты күрестің нәтижесінде отандасымыз бір жартылай жеңіс және екі жамбас ұпайымен айқын басымдыққа ие болды. 66 келіде халықаралық дәрежедегі спорт шебері Сағындық Әшім өзбекстандық балуан, кураштан Әлем чемпионы Артём Штурбабинмен белдескен болатын. Негізгі уақыт тең аяқталып, қос балуан қосымша бір минуттық белдесуге шықты. Мұнда салмақ өлшеуде қарсыласынан біршама жеңіл болған Сағындық Әшім қазақ күресінің ережеге сәйкес жеңіс тойын тойлады.
Бұдан кейін 82 келіде ел намысын қорғаған "Дала кырандары – 2025" титулының иегері Нұрдәулет Бақытбайұлы ресейлік самбо шебері, Әлем чемпионатының жүлдегері Глеб Головпен айқасты. Бес минутқа созылған бұл күрес барысында қос балуанның ұпайлары ұпайлары тең түсті. Қосымша бір минуттық белдесуде отандасымыз әдіс жасауға ұмтылған сәтінде өзі жауырынға түсіп қалып, жеңістен айырылып қалды. Ал 100 келіде самбодан Әлем чемпионатының жүлдегері ресейлік Владимир Досияк кураштан Азия ойындарының чемпионы Жахонгир Маматрахимовты бір жамбас әдісімен ұтты.
Әйелдер сыны да аса тартысты өтті. Атап айтқанда, 48 келіде өнер көрсеткен V Дүниежүзілік Көшпенділер ойындарының жеңімпазы Айжан Жылқыбаева қырғызстандық қарсыласы Алиман Абдрашитованы небары 80 секундта таза жеңіп, қарсыласына еш мүмкіндік бермеді. 56 келідегі сынға түскен екі дүркін Әлем чемпионы Рауза Нұрмұхамметова да жанкүйерлерін қуантты. Ол кураштан Қырғызстан чемпионы Сабина Жаанбекованы екі минуттың ішінде таза жеңіспен ұтып, бұл атаққа үшінші мәрте ие болды.
Өкінішке қарай, айналмалы жүйе бойынша 65 және 77 келі салмақ дәрежелерінде күрескен Зарина Сарипова мен Зәмзәгүл Файзолланова алтынға бір қадам жерде сүрінді. Егер Зарина Ресейден келген бұрымды балуан Дария Кузмичевадан айласын асыра алмаса, Зәмзәгүл Файзолланова өзбекстандық балуан Шахзода Бозоровадан жеңіліс тапты.
Сонымен бірінші жарыс күнінің нәтижелері төмендегідей:
Ерлер.
55 kg
І орын – Bekzhan TOLEPOV KAZ
ІІ орын – Kimal OBOLBEKOV KGZ
ІІІ орын – Khurshidbek CHORIEV UZB
ІІІ орын – Riyahi ABOLFAZL IRI
66 kg
І орын – Sagyndyk ASHIM KAZ
ІІ орын – Atyom SHTURBABIN UZB
ІІІ орын – Poladi HASSAN IRI
ІІІ орын – Sainimu TALAFU CHN
82 kg
І орын – Gleb GOLOV RUS
ІІ орын – Nurdaulet BAKTYBAIULY KAZ
ІІІ орын – Ahmadzadeh MERSAD IRI
ІІІ орын – Veaceslav PLAMADEALA MDA
100 kg
І орын – Vladimir DOSIAK RUS
ІІ орын – Jakhongir MAMATRAKHIMOV UZB
ІІІ орын – Aibek IZTELEUOV KAZ
ІІІ орын – Azizi REZA IRI
Әйелдер.
48 kg
І орын – Aizhan ZHYLKYBAYEVA KAZ
ІІ орын –Mukhabbat YOKUBOVA UZB
ІІІ орын –Aliman ABDRASHITOVA KGZ
ІІІ орын –Marta TIMOSHENKO RUS
56 kg
І орын – Rauza NURMAKHAMMETOVA KAZ
ІІ орын – Nozigul KHOLMIRZAEVA UZB
ІІІ орын – Sabina ZHAANBEKOVA KGZ
ІІІ орын – Anna KHARITONOVA RUS
65 kg
І орын – Daria KUZMICHEVA RUS
ІІ орын – Zarina SARIPOVA KAZ
ІІІ орын – Malikakhon KAKHOROVA UZB
ІІІ орын – Zhanar ZHOLDOSHEVA KGZ
77 kg
І орын – Shakhnoza BOZOROVA UZB
ІІ орын – Zamzagul FAIZOLLANOVA KAZ
ІІІ орын – Irina GROMOVA RUS
ІІІ орын – Saniet TALAIBEKOVA KGZ
Сөйтіп, чемпионаттың бірінші жарыс күні қызу тартысқа толы болып, балуандар отандастарымыздың жеңісті жолын бастап берді. Енді ертеңгі финалдық белдесулерде балуандарымыз ел намысын абыроймен қорғап, чемпиондық тұғырдан көрінеді деген үміттеміз.
Чемпионаттың ұйымдастырушылары – ҚР Туризм және спорт министрлігі, ҚР Қорғаныс министрлігінің Спорт комитеті және Qazaq Kuresi Ассоциациясы.
