Қазақ күресінен Шымкенттегі ҚР чемпионаты: төрт күндік тартысты дода қалай өтті?

Шымкент қаласында қазақ күресінен ересектер арасындағы Қазақстан Республикасының чемпионаты өз мәресіне жетті. Елдің түкпір-түкпірінен жиналған балуандар төрт күн бойы «Жеңіл атлетикалық манеж» спорт кешенінде 16 салмақ дәрежесінде бозкілемге шықты.

Биылғы чемпионатқа Астана, Алматы, Шымкент қалалары мен 17 өңірден келген 500-ге жуық спортшы қатысып, ерлер мен әйелдер арасында үздіктер анықталды. Жарыс барысында тартысты белдесулер, тәжірибелі чемпиондар мен жас балуандардың сенімді өнері көрерменнің жоғары бағасына ие болды.

Чемпионат нәтижесінде жалпыкомандалық есепте:

І орын — Шымкент қаласы (237 ұпай),

ІІ орын — Жамбыл облысы (225 ұпай),

ІІІ орын — Абай облысы (200 ұпай) иеленді.

Qazaq Kuresi Ассоциациясының ұйымдастыруымен өткен ұлттық додаға Sport Qory спортты қолдау қоры демеушілік көрсетті.